ラ толгойтой авиаг дуудахдаа хэлний үзүүрээ түүшний （ дээд буйлны ） ард шүргүүлээд , буцааж салгах маягаар дуудна. Эхлээд 「ら、り、る、れ、ろ」 гэж удаавтар дуудаж үзээд, хэлнийй үзүүр чинь хаана ч шүргэхгүй байвал “Хэлний үзүүрээ түүш буюу дээд буйлны ард хүргэх “ ёстойг санаарай.
Хэлний үзүүрийг түүш буюу дээд буйлны ард хүргэж ラ толгойтой авиаг дуудаж байгаа ч ナ、ダ、ラ толгойтой авианы дуудлага холилдон солигдож хэлэгдэх тохиолдол байдаг. Жишээлбэл : ダ толгойтой гийгүүлэгч нь ラ толгойтой гийгүүлэгчтэй солигдох （ Жишээ нь: ハタラク（働く）→ハタダク） ラ толгойтой гийгүүлэгч нь ナ толгойтой гийгүүлэгч （ Жишээ нь ：サヨウナラ（さようなら）→サヨウナナ、ライゲツ（来月）→ナイゲツ）ラ толгойтой гийгүүлэгч нь гээгдэх （ Жишээ нь: レンラク（連絡）→エンラク）ナ、ダ толгойтой гийгүүлэгч нь ラ толгойтой гийгүүлэгч болж хувирах （ Жишээ нь: コドモ（子供）→コロモ、オメデトウ（おめでとう）→オメレトー、ダンシ（男子）→ランシ、ドロボー（泥棒）→ロロボー、ハネル（跳ねる）→ハレル、ナンボク（南北）→ランボク） зэргээр өөрчлөгдөн сонсогдох тохиолдол байдаг.
ナ、ダ、ラ толгойтой авианы дуудлагын аль нь ч хэлний үзүүр хүрэх байрлал нь бараг адил байдаг болохоор өөр хоорондоо холилдож өөрчлөгдөн хэлэгддэг. Эдгээр авианууд нь хэлний үзүүрээ шүргүүлэх байдлаараа （ хэлбэрээрээ ） үл ялих ялгаатай байдаг. ラ толгойтой авиаг хэлэхэд хэлний үзүүрийг хаана ч хүргэхгүй байдалд байлгаад , түүний дараа хэлний үзүүр рүү дээд бүйлны ар хэсгийг буюу түүшээ хөнгөн татаад буцаана. ナ、ダ толгойтой авианы хувьд эхнээсээ хэлний үзүүрээ тагнай , дээд шүдний ар тал орчимд гүйцэд хүргэж түгжээд , түүний дараа нэг амьсгаагаар салгана.
